सर्व प्रकारच्या टेस्टसाठी महत्वपूर्ण संदेश

OBT तुम्हाला उत्तर शोधायला शिकवते.
SWT तुम्हाला विषयाची एकात्मिक समज आणि सलग उत्तरलेखन शिकवते.
FST तुम्हाला प्रत्यक्ष परीक्षेत वेळेत संपूर्ण पेपर सोडवायला शिकवते.

टेस्टचा उद्देश केवळ गुण मिळविणे नसून प्रत्येक टेस्टनंतर पुढील उत्तर अधिक चांगले लिहिणे हा आहे.

2. SWT — Subject-wise Open-Book Test

SWTमध्ये संपूर्ण विषयातील विविध Topicsचा परस्परसंबंध समजून घेणे, प्रश्नांची एकत्रित तयारी करणे आणि सलग उत्तरलेखनाची क्षमता विकसित करणे अपेक्षित आहे.

OBTसाठी दिलेल्या प्रस्तावना, मुख्य भाग, निष्कर्ष, स्रोतांचा वापर आणि उत्तर तपासणीच्या सर्व सूचना SWTलाही लागू राहतील.

SWTपूर्वी काय करावे?

• संपूर्ण विषयाचा अभ्यासक्रम एकत्र वाचा.
• Topic Checklistच्या मदतीने पूर्ण आणि अपूर्ण Topics वेगळे करा.
• Primary Sourcesमधून विषयाची मूलभूत तयारी पूर्ण करा.
• विषयातील महत्त्वाच्या संकल्पना, कायदे, अहवाल, समित्या आणि उदाहरणांची एकत्रित यादी तयार करा.
• दोन Topicsमधील संबंध शोधण्याचा प्रयत्न करा.
• प्रत्येक Topic स्वतंत्रपणे न वाचता संपूर्ण Subjectची एकात्मिक समज विकसित करा.

SWTचे सर्वांत महत्त्वाचे सूत्र
चार प्रश्न एकत्र वाचा → चारही प्रश्नांची मागणी समजून घ्या → चारही प्रश्नांसाठी आवश्यक माहिती एकत्र शोधा → चारही उत्तरांचे Framework तयार करा → चारही उत्तरे एकाच बैठकीत लिहा → त्यानंतरच पुढील चार प्रश्नांकडे जा.

लेखन सुरू केल्यानंतर प्रत्येक उत्तराच्या मध्ये पुन्हा-पुन्हा पुस्तके किंवा इंटरनेट शोधत बसू नका. चार प्रश्नांचे संशोधन आणि Framework आधी पूर्ण करा. त्यानंतर सलग चार उत्तरे लिहा.

चार प्रश्नांचा एक संच कसा सोडवावा?

1. चारही प्रश्न एकदा शांतपणे वाचा.
2. प्रत्येक प्रश्नातील मुख्य Keyword आणि Directive Word ओळखा.
3. चारही प्रश्नांसाठी आवश्यक Sources निश्चित करा.
4. प्रत्येक उत्तरासाठी प्रस्तावना, मुख्य उपशीर्षके आणि निष्कर्ष यांचे छोटे Framework तयार करा.
5. आवश्यक आकडेवारी, उदाहरणे आणि Case Studies एका पानावर नोंदवा.
6. Timer लावून चारही उत्तरे एका बैठकीत लिहा.
7. चार उत्तरे पूर्ण झाल्यानंतरच त्यांचे परीक्षण करा.
8. त्यानंतर पुढील चार प्रश्नांचा संच घ्या.

SWTमध्ये विशेष लक्ष द्या

• एका विषयातील Topicsमधील संबंध उत्तरात दिसला पाहिजे.
• एकाच उदाहरणाचा अनावश्यक पुनर्वापर करू नका.
• प्रत्येक उत्तराची प्रस्तावना आणि निष्कर्ष वेगळा असावा.
• उत्तरांची गुणवत्ता टिकवून लेखनाचा वेग वाढवा.
• चार प्रश्नांचा प्रत्येक संच शक्यतो Exam-like Sittingमध्ये पूर्ण करा.
• पुढील संचामध्ये मागील संचातील चुका सुधारण्याचा प्रयत्न करा.